БИШКЕК, 30-июн. — Sputnik. Бейшемби күнү Иса Ахунбаев атындагы Кыргыз мамлекеттик медициналык академиясына ректорду шайлоо жүрүүдө.
Саламаттык сактоо министрлигинин консультанты Елена Баялинованын айтымында, шайлоо иштери бүгүн эртең менен башталган.
"Кечээ талапкерлердин саны 12 киши болчу. Алардын бешөө өз талапкерлигин алышкан. Анын ичинде медакадимиянын азыркы ректору Нурлан Бримкулов дагы бар", — деди Баялинова.
Бримкулов мындай кадамын ден соолугуна байланыштырды. Өз талапкерлигин алып салгандардын катарында Есенгульди Жолдошбеков, Жусуп Бошкоев, Зиябидин Айдаров жана Омар Касымовдор бар.
Буга чейин медакадемиянын башчысы болууга 12 киши ат салышканы кабарланган. Аларды баары тең медицина илимдеринин докторлору болчу.
Медакадемиянын мурдагы ректору Аширали Зурдинов берген арызынын негизинде кызматтан бошотулган. Ал 2009-жылы 13-марттан бери аталган окуу жайды башкарып келген.
