БИШКЕК, 29-июн. — Sputnik. Россиялык аскер базасы Ысык-Көлдө торпедолорду сынап жатат деген кабар чындыкка дал келбейт. Бул туурасында КРдин Куралдуу күчтөрүнүн Башкы штабынан кабарлашты.
КРдин Куралдуу күчтөрүнүн Башкы штабынын өкүлдөрү Кыргызстанда аккредитациядан өткөн Россиянын аскер-дипломатиялык корпусунун өкүлдөрү менен жолукту.
Жолугушуу учурунда россиялык тарап бул маалыматтын беш өрдөк экендигин айткан. Тагыраагы, элчиликтин өкүлдөрү анын инфраструктурасы мындай сыноолорго туура келбегендиктен бул жааттагы иш-чара Ысык-Көлдө өткөрүлбөстүгүн билдирген.
Башкы штаб россиялык объектинин Ысык-Көлго эч кандай зыяны тийбестигин, ага кошумча аймактагы экологиялык жагдай ар дайым КРдин кызыкдар болгон мамлекеттик органдары тарабынан көзөмөлдөнүп турарын айтты.
