БИШКЕК, 29-июн. — Sputnik. Электр энергиясынын тарифин аныктоону Отун-энергетика комплексин жөнгө салуу боюнча мамлекеттик агенттикке жүктөө демилгеси жактырылды.
Жогорку Кеӊеште "Энергиянын кайра жаралуучу булактары жөнүндө" мыйзам долбоору бүгүн каралып, үчүнчү окууда колдоо тапты.
Документте Кыргызстанда электр кубатынын тарифин аныктоо милдетин Отун-энергетика комплексин жөнгө салуу боюнча мамлекеттик агенттикке жүктөө демилгеси камтылган.
Өкмөт өкүлү муну энергиянын кайра жаралуучу булактары жаатында ыкчам чечимдерди кабыл алуу зарылдыгы менен түшүндүрдү.
