БИШКЕК, 29-июн. — Sputnik. Түркиянын Ататүрк аэропортундагы түндө болгон кол салуудан 36 киши өлүп, 100дөн ашыгы жаракат алганын Sputnik Türkiye маалымат агенттиги билдирди.
Түркиянын премьер-министри Бинали Йылдырым чукул маалымат жыйынында каза болгондордун саны 36 экенин айтты. Ал ошондой эле терроризм жалпы адамзаттын балээси экенин, ал бүгүн дагы бир жолу айкындалып жатканын баса белгилеп, үч жан кечти өзүн жардырганын кошумчалады.
Жергиликтүү ЖМКнын билдиришинче, террорчулар аэропортко такси менен келген.
АКШдагы ак үйдүн өкүлү Жош Эрнест Түркияда болгон жардырууну катуу сынга алды.
Ал ортодо Российская газета басылмасы жаракат алгандардын арасында орустар дагы бар экенин билдирди.
Рейтер агенттигине окуяга күбө болгон Түштүк Африкалык Паул Рус куралчанк иши элге карата ок чыгарганын көргөнүн айтты.
Attack at #Ataturk airport in #Istanbul #Turkey, 1 of the guns of the attackers, 2 explosions#Prayers4Turkey pic.twitter.com/DdnmAVgQRR
— Abbs Winston (@AbbsWinston) 28 июня 2016 г.
Ататүрк аэропортунда болгон окуядан кийин аэропорт башка учактарды кабыл албай, учактар Анкара, Бурса, Измир, Кожаэли, Чорум жана Стамбул шаарындагы Сабиха Гөкчен аэропортторуна конууга мажбур болгонун Түркиянын NTV каналы билдирди.
Учурда жаракат алгандардын арасында кыргызстандык жарандардын бар жогун Тышкы иштер министрлиги да тактап жатат.
