БИШКЕК, 29-июн. — Sputnik. Балык майы инфаркт оорусунан сактайт. Бул тууралуу РИА Новости JAMA Internal Medicine басылмасына таянуу менен жазып чыкты.
АКШнын Тафтса университетинин профессору Лиана дель Гоббонун айтымында, изилдөөлөр адамдын кары-жашына карабай жүргүзүлүп, ага 16 өлкөдөн 46 миң адам катышкан.
"Балык майы жүрөктүн согушун жакшыртып, инфракт илдетинин алдын алууга жардам берет", — деп жазылат маалыматта.
Гоббо буга чейин Гарвард университетинин окумуштуусу Дариуша Мозаффарян баштаган топ менен биргеликте балык менен гана тамактангандарды иликтөөгө алышып, башкаларга караганда көп жашай турганын аныкташкан.
