БИШКЕК, 28-июн. — Sputnik. Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана регламент боюнча комитети өкмөттүн жаңы курамына талапкерлерди жактырды.
Ага ылайык, Чек ара иштери боюнча вице-премьерликке Жеңиш Разаковдун, Айыл чарба, азык-түлүк, өнөр жайын өнүктүрүү жана мелиорация министрлигине Турдуназир Бекбоевдин, Транспорт жана жол министрлигине Замирбек Айдаровдун талапкерлиги жактырылды. Өнөр жай, энергетика жана жер казынасын пайдалануу комитетинин жетекчилигине Дүйшенбек Зилалиевдин, Мамлекеттик маалыматтык технологиялар жана байланыш комитетинин жетекчилигине Бакыт Шаршембиевдин талапкерлигин колдошту.
Атка минерлердин талапкерлиги эртең Жогорку Кеңештин кароосуна коюлат.
Эске сала кетсек, буга чейин Жогорку Кеңеш премьер-министр Сооронбай Жээнбековдун өкмөттүн түзүмдүк өзгөрүү боюнча киргизген сунушун жактырган.
