БИШКЕК, 27-июн. — Sputnik. Быйылкы жылдын алты айынын аралыгында күйдүргү илдетине үч киши чалдыкканын Саламаттык сактоо министрлиги билдирди.
Буга чейин социалдык тармактарда Казакстандын Караганда облусунун Шет районунда күйдүргү дартына чалдыккан малдын эти сатылып жатканы жана аны жеген кишилер ооруканага жатып каза болгону тууралуу аудио жазуулар тараган болчу.
26 Кулжа 2016, 16:17
Саламаттык сактоо министрлиги менен Жугуштуу оорулар ооруканасы учурда күйдүргү дартына шектелип жаткан бейтаптар катталбаганын, мындай билдирүүлө чагым болушу мүмкүн экенин айткан.
Үч учурдун экөө Оштун Алай районунда катталса, бирөө Сузак районунда экени аныкталган. Ал эми былтыркы жылы күйдүргү менен сегиз киши ооруган.
Үч кишинин экөө ооруну чийки эттен, ал эми бирөө мал союлуп жатканда жуктурган.
Акыркы беш жыл ичинде күйдүргү дартын жуктуруп алган 49 учур катталган.
