БИШКЕК, 27-июн. — Sputnik. Бишкектин мэри вице-мэр Бакытбек Дүйшөмбиевдин төрагалыгы алдында "Бишкекбашкыархитектура" ишканасынын имаратында жарнамалык такталардын ээлери менен жолугушуу өткөнүн мэрия билдирди.
Буга чейин Бишкекте шаардын көркүн бузбоо үчүн Манас, Чүй проспектилери, Абдрахманов жана Байтик баатыр көчөлөрүндөгү 200 жарнамалык такта алынары айтылган.
Дүйшөмбиев такта ээлерине кайрылып жатып, аларды абалды түшүнүүчүлүк менен кабыл алууга чакырды. Мындан тышкары, аларга такталардын заманбап форматтарын сунуштады.
Аталган долбоор жарнама бизнесинин өкүлдөрүнүн сунуштарын эске алуу менен бекитилет.
Өз кезегинде жолугушууга катышкандар бул демилгени колдой тургандыктарын белгилешти.
