БИШКЕК, 25-июн. — Sputnik. Борбор калаанын куткаруу кызматы Свердлов районундагы Пионер көлүнө үч баланы чөгүп бара жатканда куткарып калышканын ӨКМ билдирди.
Маалыматка ылайык, окуя 25-июнда саат 14.30дар чамасында болгон. Көлмөдө сүзүп жүргөн кыздар чөгүп баштаган. Нөөмөттө турган куткаруучулар жетип келип, аларды суудан чыгарышкан.
"Кыздар ата-энелери менен келишкен, алар балдарын караганга үлгүрбөй калышкан", — деп айтылат билдирүүдө.
Куткарылган кыздардын бирөөсү сегиз, экөө тогуз жашта болгон.
