Чет элдик жаранды бишкектик таксисттер алдайбы — социалдык эксперимент

Жазылуу
"Чет элдик" жаран Бишкектин борборунан жана Ош базарынан таксисттерден жардам сурады. Социалдык эксперименттин жыйынтыгы аны абдан таң калтырды.

"Бишкектеги чет элдик" аттуу социалдык эксперимент аркылуу шаардык таксисттердин чынчылдыгын текшерип көрүүнү чечтик.

Кайырчынын акчасын уурдап кетти — социалдык эксперимент - Sputnik Кыргызстан
Кайырчынын акчасын уурдап кетти — социалдык эксперимент
Сценарий боюнча "чет элдик" жаран "Ала-Тоо" аянтында турган таксисттерге келип борбордук аянтка баруу канча сом турарына кызыгып көрдү.

Алты айдоочунун бешөө Ала-Тоо аянты ушул жер экенин айтып, бир аз гана басса ага жетерин айтышты. Бир гана таксист 100 сом сурады.

"Чет элдик" жарандын ролун аткарган Михаил Дудин Ош базары жакка барып, ал жакта турган таксисттерден Жаш Гвардия менен Чүй проспектисинин кесилишине баруу канча сом турарына кызыкты. 14 кишинин жарымы ал жакка жөө басып эле жетип алса болорун билдиришти. Алты киши 80-100 сомго жеткирерин айтышса, бир айдоочу ал жакка чейин 5 доллар аларын билдирди.

Эксперименттин жыйынтыгында Дудин Бишкекте турист болуу анчалык деле коркунучтуу эмес деген жыйынтыкка келди. Себеби, туристтерди эч ким алдап кетейин деп аракет кылбайт.

"Бишкекте туристтерге болгон мамиле абдан жакшы экен, аларга күлүп айрым учурларда "Хэлло" деп саламдашкандар дагы болду. Бишкек чындап эле коопсуз шаар, сени алдап кетейин дегендердин саны өтө деле жогору деп ойлобойм", — дейт ал.

Социалдык эксперименттердин максаты жарандардын социалдык жоопкерчилигин жогорулатуу жана аларды башкаларга дайыма жардам берүүгө үндөө болуп саналат. 

Жаңылыктар түрмөгү
0