БИШКЕК, 24-июн. — Sputnik. Бүгүн, 24-июнда "Үй-бүлөлүк зомбулуктан коргоо жана сактоо жөнүндө" мыйзам долбоору боюнча коомдук талкуу өтөт. Бул тууралуу парламенттин маалымат кызматы билдирди.
Депутат Таалайгүл Исакунова тарабынан демилгеленген мыйзам долбоору азыркы учурда www.kenesh.kg сайтында коомдук талкуудан өтүүдө.
Аталган маселе коом жана ар бир үй-бүлө үчүн маанилүү болгондуктан, мыйзам долбоорун коомдук талкууга чыгаруу чечими кабыл алынган.