БИШКЕК, 21-июн. — Sputnik. Шейшемби күнү "Бишкекбашкыархитектура" мэр Албек Ибаримовдун төрагалыгы алдында жыйын өткөрдү. Бул тууралуу шаардык муниципалитет билдирди.
Маалыматка ылайык, жыйында шаар курулушунун бир нече долбоору сунушталып, анын ичинде "Айчүрөк" дүкөнүн реконструкциялоонун эскизи көрсөтүлдү. Архитектор Сапар Султановдун долбоору боюнча дүкөндүн учурдагы имаратына унаа токтотуучу жай менен базардын аянты кошулмакчы.
"Жаңыланган имараттын соода аянты болжол менен 11 миң чарчы метрди түзөт. Мындан тышкары, 500 унаа баткылай үч деңгээлдүү унаа токтотуучу жай курулмакчы", — деп айтылат билдирүүдө.
Муну менен бирге мэр Ибраимов алты миң чарчы метр аянтты ээлей турчу төрөт үйү кирген диагностикалык борбордун долбоору менен таанышты. Курулуш Гагарин, Репин, Айни жана Чортеков көчөлөрү менен кесилишкен 0,3 гектар аянтта жүрөт. Мында 57 унаа үчүн машина токтотуучу жай да каралган.
"Шаар башчысы курулуш компаниясынын чындап эле аз камсыз үй-бүлөлөрдүн балдары үчүн окуу борборун куруу ниетине ишенген жок. Маселе кийинки жыйында каралмай болду", — деп айтылат маалыматта.
Эскерте кеткек, "Айчүрөк" дүкөнүнүн администрациясы июндун башында имараттын жанынан орун алган фонтан комплексин оңдоого киришкен.
