БИШКЕК, 21-июн. — Sputnik. Лозаннада өткөн саммит учурунда Эл аралык олимпиада комитети (ЭОК) Жеңил атлетика федерацияларынын эл аралык ассоциациясынын чечимин колдоп россиялык атлетчилерди эл аралык мелдештерден четтетти.
ЭОКтун чечими сунуш иретинде гана болот. Ал эми дисквалификацияланган Бүткүл россиялык жеңил атлетика федерациясы Лозаннадагы спорттук арбитраждык сотко кайрылууну карап жатат. Арыз жазууга ар бир спортчу укуктуу.
Допингге байланышы жок спортчуларды мелдештен четтетүүнү Мамлекеттик Дума "саясий курал" деп атап, ал олимпиадалык кыймылдын кадырына доо кетирип жатканын белгиледи.
