БИШКЕК, 17-июн. — Sputnik. Кыргызстандын көпчүлүк аймактарында 18-июнда жаан жаай турганын ӨКМ билдирди.
Маалыматка ылайык, 18-июнда түнкүсүн көпчүлүк аймактарда жаан жаап, күн күркүрөп, бийик тоолуу аймактарда кар жаайт. Батыштан соккон шамалдын ылдамдыгы секундасына 4-9 метрден, Ысык-Көл акваториясында 17-22 метрге жетиши мүмкүн.
Ал эми Бишкек менен Ош шаарларында күндүз жаан-чачын күтүлбөйт. Бишкек шаарында аба ырайы 26 градуска чейин ысыса, Ошто күн 29 градуска чейин көтөрүлөт.
Баткенде — 29 градус, Нарында — 22 жана Ысык-Көлдө — 20, Таласта — 27, Жалал-Абадда — 28 градус жылуу болот.
