БИШКЕК, 17-июн. — Sputnik. Ат-Башы райондук паспорт столдун жетекчиси 14 жылдан бери Түштүк Кореяда жашаган адамга паспорт берген. Бул тууралуу Башкы прокуратура билдирди.
Мындан сырткары, ошол эле райондун ЗАГС кызматкери баш кошуп жаткандардын жоктугуна карабай никени каттап, күбөлүк берген. Ал учурда баш кошту делген кыргыз жараны менен корей жараны Түштүк Кореяда күн кечирип жүргөн.
Аталган фактылар боюнча Ат-Башы райондук прокуратурасы тарабынан райондук паспорт столдун жетекчисине жана ЗАГС кызматкерине Кылмыш жаза кодексинин 315 (Кызматтык жасалмачылык), 316 (Шалаакылык), жана 350-беренелери (Документтерди, мамлекеттик сыйлыктарды, штамптарды, мөөрлөрдү, бланктарды кол менен жасоо, даярдоо, берүү же пайдалануу) боюнча кылмыш иши козголду.
Окуя боюнча тергөө амалдары жүрүп жатат.
Кыргызстандагы жаңы биометрикалык паспорттун дизайнын Sputnik инфографикасынан көрүңүз>>
