БИШКЕК, 16-июн. — Sputnik. Кытайда студент кыздарга насыя берүүнүн жаңы ыкмасы иштеп келет. Күрөөгө кыздардын жылаңач сүрөттөрү коюлган. Бул тууралуу The Guardian агенттиги жазып чыкты.
Насыя берүү интернет-портал аркылуу жүргүзүлүп келген. Анда эки тарап насыянын алыш-бериши боюнча талаптарды өз ара чечишип алышкан.
Эгер берилген насыя убагында кайтарылбаса кыздардын сүрөттөрүн порнографиялык сайттарга жайгаштырыларын айтып, коркутушкан.
Маалымат каражаттары жазып чыккандай, студент кыздар насыя алуу үчүн жылаңач сүрөттөрүн гана эмес, документтеринин көчүрмөсү менен үй-бүлөсү тууралуу кыскача маалымат жазып берүүгө милдеттендирилген.
Насыя берүүнүн мындай түрү кытайлык социалдык тармактардын колдонуучуларын ачуулантты.
