БИШКЕК, 15-июн. — Sputnik. Чыңгыз Айтматов атындагы Кино үйүндө Кыргызстандагы эң сырдуу жер Сафед-Булан комплекси тууралуу "Сафед-Булан" аттуу документалдык тасманын бет ачары болот. Бул тууралуу Кинематография департаменти билдирди.
Маалыматка ылайык, тасманын бет ачары бүгүн, 15-июнда саат 16.00дө өтөт. Кинону койгон режиссер Байышбек Исманов болсо, сценарийин Куттубек Каримов жазган.
Тасмада Кыргызстандын тарыхый-маданий мурас эстеликтеринин бири болгон Сафед-Булан комплекси тууралуу баяндалат.
Байыркы уламыштарга караганда бул жерге Александр Македонский дагы келген.
Жалал-Абад облусунун Ала-Бука районундагы бул аймакка Борбор Азиядан көптөгөн кишилер зыярат кылууга келишет.
