Мамкаттоо: ЗАГС адистеринин көзүн май баскандыктан нике каттоо системасын өзгөрттүк

Жазылуу
Үстүбүздөгү жылдын 5-майынан тарта көчмө ЗАГСты ишке ашыруучу мобилдик топ түзүлдү. Мындай система көмүскө каражатты ачыкка чыгаруу үчүн жасалып жатат.

БИШКЕК, 13-июн. — Sputnik. ЗАГС кызматкерлери үйлөнүү тойлордон ченемсиз акча таап жүргөндүктөн системаны өзгөртүүгө туура келгендигин Sputnik Кыргызстан маалымат агенттигине Мамлекеттик каттоо кызматынын маалымат катчысы Мелис Эржигитов билдирди. 

Белгилей кетсек, социалдык тармактын колдонуучулары көчмө ЗАГСтын баасы эмне себептен 5400 сом болуп калганын талкуулап келишет. 

"Үстүбүздөгү жылдын 5-майына чейин ЗАГС кызматкерлери көчмө ЗАГСка чыгып чоң киреше таап келишкен. Мыйзам чегинде бир так сумма көрсөтүлбөгөндүктөн, тойлорго барып, кызматы үчүн 7-8 миң керек болсо 10 миң сомго чейин алышкан. Ал көмүскө каражаттын бир сому дагы мамлекетке төлөнгөн эмес", — деп билдирди Эржигитов. 

Анын айтымына караганда ЗАГС кызматкерлерин эч ким текшербегендиктен оюндагысын жасашкан.

"Жеңил акча тапкан ЗАГС кызматкерлеринин көзүн май басып калган. Мындан улам Мамлекеттик каттоо кызматы атайын мобилдик топ түздү. Мындан ары көчмө ЗАГСка ошол топтун мүчөлөрү барышат. Алардын кызматы 5400 сомду түзөт. Мындай система аркылуу биз көмүскө каражатты жарыкка чыгарып жатабыз", — деп билдирди Эржигитов. 

Мамлекеттик каттоо кызматынын төрагасы Тайырбек Сарпашев. Архив - Sputnik Кыргызстан
Сарпашев: ар бир үй-бүлө өзүнүн электрондук санжырасына ээ болот
Маалымат катчы билдиргендей мобилдик топ мамлекеттик кызматкер катары таанылбайт. Алар эмгек келишими менен иштешет дагы 5400 сомдун 70-80 пайызы мамлекеттин казынасына кетет, калганы мобилдик топтун чыгашасы менен маянасына жумшалат. Ал эми баш кошкон жубайлар каражатты банк аркылуу которушат. 

Ал эми каражатын үнөмдөгүсү келген баш кошкон жубайларга көчмө ЗАГСты чакырбастан Бакыт өргөсүнө баруу сунушталат. 

Көчмө ЗАГС боюнча айтылгандарга аталган кызматтын жетекчиси Гүлжан Атанаева түшүндүрмө берүүдөн баш тартты.

Жаңылыктар түрмөгү
0