БИШКЕК, 13-июн. — Sputnik. Бүгүнтөн тарта Бишкек — Жалал-Абад аба каттамы ачылат. Бул тууралуу Sputnik Кыргызстан агенттигине Эл аралык "Манас" аэропортунан билдиришти.
Маалыматка ылайык, жергиликтүү авиакомпаниялардын бирине таандык British Aerospace-140-200 учагы жумасына эки күн — дүйшөмбү жана шаршемби күндөрү каттайт.
"Бүгүн, 13-июнь күнү саат 11:30 буюрса биринчи каттам учат. Билет баасы 2500 сомдон 3500 сомго чейин болот", — деп айтылат маалыматта.
Эске сала кетсек, аталган каттам буга чейин бир канча ирет ишке кирип, кайра ар кандай себептер менен токтотулган.
