БИШКЕК, 12-июн. — Sputnik. АКШнын Орландо шаарындагы түнкү клубдардын биринде болгон атышуудан 20дай киши каза болгонун РИА Новости агенттиги билдирди.
Каргашалуу окуя жекшемби күнү 12-июнда Pulse гей-клубунда болгон. Кылмышкер клубге келгендерге карата ок чыгарып, бир нечесин барымтага да алган.
Окуя болгон жерге полиция, саперлор жана атайын даярдыктагы аскерлер да келген. Ишти иликтөөгө Федералдык иликтөө бюросу жана штаттын укук коргоо органдары тартылган. Полиция кылмышкерди жок кылып, барымтага алынгандарды бошотту.
Атышуунунун кесепетинен 42 киши ооруканага жеткирилип, болжол менен 20га жакын киши каза болгон.
Шаардын башкы полициясы Жон Мина атышуу учурунда бир полиция кызматкерине ок тийгенин билдирип, аны зоот кийими сактап калганын кошумчалады.
