Актөбөдө 6 киши курман болуп, террорчулукка каршы операциянын режими киргизилди

© Sputnik / Табылды КадырбековДень открытых дверей в бригаде спецназа "Пантера"
День открытых дверей в бригаде спецназа Пантера - Sputnik Кыргызстан
Жазылуу
Аталган шаарда коомдук транспорттун каттамы токтотулуп,көңүл ачуучу жайлар жабылды.

БИШКЕК, 5-июн. — Sputnik. Актөбөдөгө атышууда алты киши курман болуп, террорчулукка каршы операция режими киргизилди. Бул туурасында Новости-Казахстан маалымат агенттиги Казакстан ИИМинин өкүлү Алмас Садубаевге таянып кабарлады. 

Буга чейин Актөбөдө атышуудан эки аскер кызматкери окко учуп, жаракат алгандар ооруканага жеткирилгендиги кабарланган. 

"Алар курал дүкөндөн сырткары Улуттук Гвардияга кол салган. Ал жерден каршылык көрсөтүүдө бир офицер жана кызмат өтөп жаткан бир жоокер курман болгон. Үч аскер кызматкери жаракат алган. Азыр кылмышкерлердин бир нечеси көзөмөлдө, ал эми бир нечеси качып кеткенге үлгүрдү",— деп айткан Садубаев.

Ал учурда кол салгандарды кармоо боюнча иштер жүрүп жаткандыгын билдирди.

"Кол салгандар радикалдык диний уюмдардын жактоочулары деп болжолдоп жатабыз. Актөбөдө террорчулукка каршы операция режими киргизилди. Коомдук транспорттун каттамы токтотулуп жана көңүл ачуучу жайлар жабылды",— деди Садубаев.

Буга чейин Tengrinews.kz агенттиги кол салган үч адамдын жок кылынгандыгын, калган бир нече адамдын из жашырып кеткендигин жазган.

Жаңылыктар түрмөгү
0
Алгач жаңыларыАлгач эскилери
loader