БИШКЕК, 5-июн. — Sputnik. Түркиянын соту Газиантеп провинциясында сириялык качкындар үчүн уюштурулган "Низип" лагеринин кызматкерин качкындардын өспүрүмдөрүнө сексуалдык кордук көрсөткөнү үчүн 108 жылга кесилгенин Hurriyet басылмасы билдирди.
29 жаштагы кызматкер 2015-жылы эле кармалган. Ал үч ай ичинде 8 жаштан 12 жашка чейинки эркек балдарды арзыбаган акчага алдап ажатканага алып барып, аларга сексуалдык кордук көрсөткөнү айтылат. Түркиянын ЖМКлары кордук көргөн балдардын ата-энелеринин айрымдары гана прокуратурага арыз менен кайрылышкан. Калгандары качкын статусун жоготуп алабыз деп кооптонуп, арыз жазуудан баш тартышкан.
Шектелип жаткан кызматкер ага тагылган айыптардын жүйөсүз экенин билдирип, моюнуна алган эмес.
Түркия Сириядагы согуштан качып келген качкындардын басымдуу бөлүгүн кабыл алып, алар үчүн Газиантеп аймагынан атайын лагерь уюштурган.
