БИШКЕК, 1-июн. — Sputnik. Жогорку Кеңеш Ички иштер министрлигинин башчылыгына Кашкар Жунушалиевдин талапкерлигин жактырды.
Жунушалиев үчүн эл өкүлдөрүнүн 105и "макул" деген добушун берген.
Көпчүлүк депутаттар жаңы министрдин ишине ийгилик каалап, реформаларды улантууну суранышты.
"Ишеним көрсөтүп колдогонуңуздар үчүн рахмат. Министрдин башкы милдети — өлкөнүн коопсуздугун сактоо. Дасыккан адистерди алып келип, чын дилимден иштейм",— деди Жунушалиев.
Эми анын толук кандуу министр болуусу үчүн президент Алмазбек Атамбаев үч күн ичинде Жарлыкка кол коюусу керек.
Эскерте кетсек, президенттин жарлыгына ылайык мурунку министр Мелис Турганбаев кызматтан 30-майда бошотулган.
Жунушалиев буга чейин Бишкек ШИИБди жетектеп келген.
