БИШКЕК, 29-май — Sputnik. Түндүк Кореяда Facebook социалдык тармагына окшогон жаңы социалдык тармак жасалууда деп жазат CNN Money каналы.
Көрүнүшү жана түзүлүшү Facebookка аябай окшош сайтка интернетти анализдөөчү борбордун мүдүрү Даг Мэйдори жума күнү кечинде кабылган. Сайт Starcon деп аталат.
Мэйдон жаңы социалдык тармак Facebookтан көп деле айырмалана бербей турганын белгилейт.
"Жаңылыктар баракчасы, достордун тизмеги жана издөө функциясы абдан окшош. Азырынча сайт качан ишке киргени белгисиз. Мэйдори бул ишке расмий бийлик барды дегенден алыс", — деп айтылат маалыматта.
Түндүк Кореяда мыйзам тарабынанан интернет колдонуучуларга катуу көзөмөл коюлган.
