БИШКЕК, 25-май — Sputnik. Окуучулардын акыркы коңгуроосу боло турган 27-майда Кыргызстандын бир катар аймактарында өткүн өтүп, күн күркүрөшү мүмкүн. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9 метрден, Ысык-Көл акваториясында 15-20 метрге жетиши күтүлөт.
Белгилей кетсек, акыркы коңгуроо учурунда коомдук тартипке 3500 милиция кызматкери көз салат.
Билим берүү жана илим министрлиги билдиргендей Кыргызстанда 11-класстын окуучулары үчүн бүтүрүү кечеси 23-июнь күнү саат 10.00дө болот. Ал эми 9-класстын бүтүрүүчүлөрүнө аттестат тапшыруу аземи 20-июнда өтмөй болду.
Бардык бүтүрүүчүлөр үчүн мамлекеттик аттестация 2-17-июнда болот.
Быйыл өлкө боюнча 9-классты 93 миң, ал эми 11-классты 92 миң окуучу аяктайт.
