Мектеп бүтүрүүчүлөрү акыркы коңгуроону белгилеп жатышат. Жылуулуктун жетишсиздигинен, кышкы эс алуу узартылгандыгына байланыштуу бул салтанат адаттагыдан кеч убакытка жылдырылган.
Борбор калаанын 89 орто мектебин быйыл 4 миң 864 окуучу бүтүрүп жатат.
Министрликтин маалыматына ылайык, өлкө боюнча тогузунчу классты бүтүрүүчүлөрдүн саны болжол менен 95 миң адам болсо, алардын 9 340ы Бишкектин окуучулары.
Бардык мектептерде бүтүрүүчүлөрдүн коопсуздугун камсыз кылуу үчүн Билим берүү жана илим министрлиги мектептерде майрам уюштууга тыюу салган буйук чыгарган.
"Бул салттуу буйрук, ал ошондой эле бүтүрүү кечелерин өткөрүүгө да тыюу салат", — деп белгиледи министр Элвира Сариева.
Мектеп окуучуларына сейил бактарда жана кафелерде эс алууга тыюу салуу мүмкүн эместигин министрликте түшүнүшөт, бирок бул чара аз болсо да окуучуларды "тизгиндей алат" деп белгиледи ал. Сариева ата-энелер өз балдарына түшүндүрүшсө жакшы болор эле деген оюн айтты.
"Алар өз коопсуздугуна кайдыгер карашат. Ошон үчүн ата-энелер эч капарсыз эс алуунун кесепети жаман болушу керектигин балдарга жеткиликтүү кылып айтышы керек", — дейт министрликтин башчысы.
Бишкек Ички иштер башкы башкармалыгынан коопсуздукту камсыз кылууга милициянын 500гө жакын кызматкери катыша тургандыгын билдиришти. Шаардын Жол кайгуул кызматы жол кыймылынын коопсуздугун камсыз кылат. Иш-чаралар өтүүчү жайларга жакын жерлерде атайын посттор коюлат.
