БИШКЕК, 24-май — Sputnik. Белгилүү джаз ырчысы Майя Фадеева "Ай-ай эжеке" ырын аткарган.
Sputnik Кыргызстан агенттигинин кабарчысы менен болгон маекте ырчы бул видео Жалал-Абаддагы музыкалык мектептин окуучулары менен биргеликте тартылганын айтып берди. Фадеева бул ыры менен бийликтен мугалимдердин айлыгын көтөрүүнү өтүнгөн.
Фадеева өлкөгө болгон саякат кыргыз балдары орошон талантка ээ экенин көрсөткөнүн белгиледи. Анын айтымында, бул балдар мыкты билим алуусу гана керек.
"Бирок буга мугалимдердин айлыгынын төмөндүгү кедергисин тийгизет экен. Окутуучунун мойнунда чоң жоопкерчилик бар. Ал — билим булагы, балдар үчүн чоң кадыр баркка ээ адам. Өзүнүн билгенин балдарга бериши үчүн мугалимде да стимул болушу керек. Бирок алардын айлыгы абдан аз экен, керек болсо тишин оңдотууга жетпейт экен", — деди ырчы.
Соцтармактагы өз баракчасына Фадеева: "Бул мыкты балдарды окуткан мугалимдер айына 150 евродон көп алса сонун болмок" деп жазып койгон.
Коңур үндүү ырчы джаз, поп, свинг, блюз жана соул стилдеринде ырдайт. Бир нече эл аралык сынактардын лауреаты учурда Германияда жашайт.
