БИШКЕК, 24-май — Sputnik. Президент Алмазбек Атамбаев "2009-жылы 9-июнда кабыл алынган Евразиялык экономикалык коомдоштуктун (ЕврАзЭК) Кризиске каршы фондун уюштуруу келишимине өзгөртүүлөрдү киргизүү жөнүндө" мыйзамга кол койду. Бул тууралуу президенттин маалымат кызматы билдирди.
Мыйзам 2016-жылы 14-апрелде Жогорку Кеңеш тарабынан кабыл алынган.
Ага ылайык, ЕврАзЭКтин Кризиске каршы фондун Евразиялык турукташтыруу жана өнүктүрүү фонду деп кайра атоо, ЕврАзЭКтин Кризиске каршы фондунун катчылыгынын милдетин Евразиялык өнүктүрүү банкына (мындан ары ЕАӨБ) жүктөө, Кризиске каршы фонддун депозитарийинин иш милдеттерин РФтин Тышкы иштер министрлигине (ЕАӨБдин да депозитарийи болуп саналат) жүктөө каралган.
Мыйзам расмий жарыялангандан он күндөн кийин күчүнө кирет.
