БИШКЕК, 24-май — Sputnik. Рынок, соода ишканалары жана тейлөө ассоциациясынын президенти Сергей Пономарев Орус-кыргыз өнүктүрүү фондусунун (ОКӨФ) насыяларды тез арада берүү сунушунтады. Бул туурасында ал "Кыргызстан: ЕАЭБдеги алгачкы жыл, жыйынтыктар жана келечек пландар" аттуу тегерек столдо айтты.
Анын айтымында, ОКӨФ насыялардын буга чейин үч миллион сом турган босого чегин төмөндөтүп, пайыздык үстөгүн төрт пайыз кылган. Бирок буга карабастан аталган фонддун ишине бир топ нааразычылык бар.
"Жаңы жетекчиликтин тушунда деле насыялардын берилиши кечеңдеп жатат. Мында акча муктаж убакта, эртең эмес, кечээ берилиши зарыл", — деди Пономарев.
Ал соода-логистикалык борборлорду курууга мезгил жеткенин, ишкерлер акчанын жетишсиздигинен өлкө түшүмдөн куру жалак каларын айтып коңгуроо кагып жатышканын белгиледи.
