БИШКЕК, 20-май — Sputnik. Ок-дары жана курал алып өтүп бара жаткан Казакстандын жараны "Ак Жол" көзөмөл өткөрүү жайынан кармалды. Бул туурасында Мамлекеттик чек ара кызматынан билдиришти.
Анын автоунаасын текшере келгенде 12 даана травматикалык ок, штык түрүндөгү аскердик бычак, белги берип асманга атылуучу он ок, талаа-түздө колдонула турган маки жана кастет табылган.
Казакстандык жаран чоң көлөмдөгү бул ок-дарылар менен Кыргызстандын аймагынан чыгып кетүүгө аракет кылган.
Тиешелүү документтер толтурулгандан соң, кармалган киши арсеналдары менен КР ИИМдин аймактык бөлүмүнө өткөрүлүп берилди.
