БИШКЕК, 20-май — Sputnik. Шаардык координациялык коммиссиянын чечимине ылайык, борбор калаада мыйзамсыз орнотулган азык-түлүк дүкөндөрү алынат. Бул тууралуу шаардык мэриянын маалымат кызматы билдирди.
Эскерте кетсе, үстүбүздөгү жылдын 19-майында шаардык координациялык кеңештин жыйыны өтүп, анда жугуштуу ичеги оорулар маселеси козголду.
Ал эми саламатык сактоо департаментине 14 жашка чейинки өспүрүмдөр арасында түшүндүрүү иштерин жүргүзүү милдеттендирилди.
Отурумда айтылган маалыматтарга ылайык, 2014-жылы жугуштуу ичеги ооруларына чалдыккандардын саны 4283кө жетсе, 2015-жылы кайрылгандардын саны азайып, 4030ду түзгөн. Ал эми үстүбүздөгү жылдын үч ай аралыгында илдетке чалдыккандардын саны Свердлов районунда 42,8 пайызга, Октябрь районунда 28 пайызга, Ленин районунда 6,8 пайызга жана Биринчи Май районунда 4,3 пайызга өскөн.
