БИШКЕК, 17-май — Sputnik. Саратовдун полициясы айдоочуга элдин көзүнчө бычак сайган жүргүнчүнүн өздүгүн тактап жатат. Бул тууралуу Россиянын Ички иштер министрлигинин маалымат кызматы РИА Новостиге билдирген.
"№18Д маршруттук каттамдын айдоочусу белгисиз жүргүнчү ортодо чыккан түшүнбөстүктөн улам бычак сайып жибергенин айтты. Жарадар болгон айдоочу ооруканага жеткирилди", — деп агенттиктин маектеши айтып берген.
Аталган факты боюнча кылмыш жаза кодексинин "Адам өмүрүнө атайылап кол салуу" беренеси боюнча кылмыш иши козголду. Бул берене аркылуу кылмышка шектүү жарандын айыбы аныкталса, 10 жылга чейин эркинен ажыратылышы ыктымал.
Жергиликтүү жалпыга маалымдоо каражаттарынын маалыматына ылайык, пикир келишпестик жүргүнчү берген миң рублга айдоочу майда акча кайтарганына байланыштуу болгон.
