БИШКЕК, 17-май — Sputnik. Кыргызстанда 544 чет элдик адистин иштөөсүнө уруксат берилгенин Миграция боюнча мамлекеттик кызматы билдирди.
Маалыматка ылайык, ведомстволор аралык комиссиянын чет элдик адистерди тартуу боюнча кезектеги жыйыны өттү.
Юридикалык жана жеке тараптардан чет элдик адистерди тартууга уруксат берүү үчүн 137 арыз келип, Кыргызстанда жеке ишкердик кылуу үчүн чет элдик жарандардан 22 арыз каралган.
Жыйындын соңунда 544 чет элдик жумушчуну тартууга жана жеке ишкердик менен алектенүүгө 22 чет элдик жаранга уруксат берилди.
Белгилей кетсек, аталган комиссия буга чейин да 500дөн ашык чет элдиктин Кыргызстанда иштөөсүнө уруксат берген болчу.
