БИШКЕК, 17-май — Sputnik. Бүгүн, 17-майда Бишкек шаардык сотунда Данияр Нарымбаев менен Хажимурат Коркмазовдун иши боюнча сот отурумуна күбө катары чакырылган депутат Өмүрбек Текебаев келген жок.
Эске сала кетсек, өткөн отурумда мамлекеттик айыптоочу күбө катары Текебаевди чакыруу сунушун киргизип, аны соттук коллегия колдоого алган.
"Депутат Текебаев шаардан чыгып кетиптир, качан келерин билбейбиз. Эки күн убакыт бериңиз", — деди прокурор.
Бул сунушту соттук коллегия колдоп, соттун кийинки отуруму 20-майга белгиленди.
Экс-депутат акчаны президент аппаратынын жетекчиси Нарымбаевдин айтканы менен талап кылганы боюнча көрсөтмө берген. Июлдун аягында Нарымбаев да камакка алынган. Кармалгандар соттун чечими менен УКМКНын тергөө абагында кармалып келишкен.
Нариман Түлеевке эки ирет мунапыс колдонулуп, үcтүбүздөгү жылдын 7-май күнү абактан чыккан.
