Бишкекте Чечен Республикасынын дүйнөлүк чемпионаты WFCA — World Fighting Championship Akhmat (федерация, Рамзан Кадыровдун клубу) менен биргеликте уюштурулган "Азиянын каардуу кармашы" аттуу турнир болуп өттү.
Ага Кыргызстан, Чечен Республикасы, Иран, Украина, Азербайжан, Казакстан жана Өзбекстандан келген мушкерлер катышты.
Кыргызстандык мушкерлер тогуз беттеште жеңишке жетишкенин World Ertaymash Federation (WEF) федерациясынын Кыргызстандагы өнүктүрүү боюнча директору Сейтек Оморов билдирди.
Sputnik Кыргызстан агенттигинин кабарчысы тартып алган видеодо эки беттеш көрсөтүлгөн. Биринчиси 71 килограммга чейинки салмак категориясында чечендик мушкер Асланбек Бадаев менен өзбекстандык спортчу Умут Согдаев рингге чыккан. Мында Сагдаев жеңишке жетишти.
Экинчи видеодо өзбек мушкери Дадахан Хасанов менен беттешкен кыргызстандык спортчу Бахтияр Тойчубаевдин жеңиши тартууланат.
