"Азиянын каардуу кармашында" КР спортчулары 9 беттеште жеңишке жетишти

© Sputnik / Табылды КадырбековКыргызстандын желегин жабынган спортчу. Архив
Кыргызстандын желегин жабынган спортчу. Архив - Sputnik Кыргызстан
Жазылуу
Кожомкул атындагы Спорт ордосунда "Азиянын каардуу кармашы" аттуу жоокердик өнөрдүн аралаш түрү боюнча турнир болуп өттү. Ага жети мамлекеттен келген мушкерлер катышты.

БИШКЕК, 16-май — Sputnik. Кыргызстандык мушкерлер "Азиянын каардуу кармашы" аттуу жоокердик өнөрдүн аралаш түрү боюнча өткөн турнирдин тогуз беттешүүсүндө жеңишке жетишти. Бул тууралуу Sputnik Кыргызстан агенттигине World Ertaymash Federation (WEF) федерациясынын Кыргызстандагы өнүктүрүү боюнча директору Сейтек Оморов билдирди.

24 жаштагы тай боксчу Шахриза Халилова - Sputnik Кыргызстан
Тай боксчу Шахриза: мурдумду далай сындырышты, мен да эч кимди аяган жокмун
Чечен Республикасынын дүйнөлүк чемпионаты WFCA — World Fighting Championship Akhmat (федерация, Рамзан Кадыровдун клубу) менен биргеликте уюштурулган турнир Бишкекте жекшемби күнү өттү. Анда жети мамлекеттен келген мушкерлер күч сынашты. Бардыгы болуп 16 беттешүү болуп, анын экөөндө федерациялардын чемпиондору аныкталган супер таймаштар өттү. 

Кыргызстандыктар 12 беттешүүгө катышып, анын тогузунда башкаларга караганда күчтүүлүк кылышты:

66 кг чейин

  • Бахтияр Тойчубеков — Дадахан Хасанов (Өзбекстан);
  • Бусурманкул Абдибаит уулу — Магомед Жамбураев (Россия)

70 кг чейин

  • Эрлан Улукбеков — Ахлидин Мирзадавладов (Өзбекстан);
  • Нурбек Жаныбай уулу — Нисанджан Шарипов (Тажикстан);
  • Эрлан Нурбек уулу — Шавкат Мирзаболбоев (Тажикстан)

77 кг чейин

  • Алтынбек Мамашев — Разави Маусом (Иран);
  • Данияр Бабакулов — Фарзад Чадери (Иран);

84 кг чейин

  • Рамазан Никарамазанов — Мирталип Ходжаев (Өзбекстан);

93 кг жогору

  • Нурлан Токтобакиев (Кыргызстан) — Сухроб Рахимбеков (Өзбекстан).

Кыргызстандыктар төмөнкү беттештерде жеңилип калышты:

61 кг чейин

  • Элибек Санжарбек уулу — Рустам Сайдуллаев (Казакстан);

66 кг чейин

  • Азизбек Осорбек уулу — Алихан Хасанов (Өзбекстан).

Супер таймаштын биринде 66 килограммга чейинки салмак категориясында Салмоор Эргешалиев өзбекстандык Сирождин Эшонбаев менен беттешти.

"Эргешалиев биринчи раундда эле муунтуунун негизинде утулуп калды. Болбосо даярдыгы абдан жакшы болчу. Спорт ушундай болот", — деди Оморов.

Анын айтымында, натыйжада кыргызстандык спортчулар эң мыкты жыйынтыкты көрсөтө алышты. Эрлан Нурбек уулунун атаандашын 20-секундда утуп алса, Бусурманкул Абдибаит уулу биринчи раундда эле нокаут менен жеңишке жетишти.

Жаңылыктар түрмөгү
0