БИШКЕК, 16-май — Sputnik. Футбол федерациясы "футбол сулуусу" сынагына катышкан бийкечтердин сүрөтүн жарыялады.
Жыл сайын өткөрүлө турган иш-чара 14-апрелде жарыяланган. Сынакка бардык кыздардын катышуусуна мүмкүнчүлүк түзүлгөн. Ал үчүн press@ffkr.kg дарегине сүрөт жиберүү талабы коюлган.
Футбол федерациясынын маалыматына ылайык, жалпы 35 гана сүрөт келген. Анын ичинен ону тандалып алынган.
Федерациянын сайтында тогуз катышуучу кыздын сүрөттөрү илинди. Наам үчүн Карина Уразова, Элеонора Солтобаева, Камилла Бабажанова, Милана Досанова, Айдана Оторбаева, Анара Рахманова, Акмөөр Базиева, Азира Байышова жана Акылай Жамакеева ат салышууда.
Эң көп добуш алган үч бийкеч сынактын финалына өтөт.
Жеңүүчү аталган катышуучу Кыргызстандын футбол боюнча курама тобун бардык эл аралык иш-чараларда коштоп жүрөт.
