БИШКЕК, 16-май — Sputnik. Мыйзамсыз ок атуучу куралдарды сактоого шектелген жарандар Ош жана Жалал-Абад облустарында кармалышты. Бул тууралуу ички иштер министрлиги билдирди.
Маалыматка ылайык, ыкчам-иликтөө иштери жүрүп Жалал-Абад облусунда 57 жана 61 жаштагы эки жарандын үйүнөн ок атуучу куралдардын бир нече түрлөрү табылган.
Ошондой эле Ош облусунда дагы мыйзамсыз курал сактоо фактысы катталган. Тагыраагы, Алай районунда 64 жаштагы жарандан ТОЗ-8 үлгүсүндөгү документсиз курал табылган.
Учурда кармалган жарандар убактылуу кармоочу жайга киргизилди. Иликтөө иштери уланууда.
Белгилей кетсек, ички иштер министрлиги ок атуучу курал жарактарды сактоо, жасоо, оңдоо, сатуу жана алып жүрүү кылмыш катары эсептелип, мыйзам чегинде жоопко тартуу каралганын эскертет.
