БИШКЕК, 13-май — Sputnik. Дүйнөдөгү эң узак жашаган аял катары Гиннес китебине кирген Сузанна Мушатт Жонс 117 жаш курагында Нью-Йоркто каза болду.
"Жонс бейшемби күнү Бруклиндеги карылар үйүндө каза болду. Ал акыркы 10 күндө катуу ооруп жаткан",— деп айтылат маалыматта.
Анын 10 бир тууганы болгон.
Жонс 1899-жылы Алабама штатында төрөлгөн. 2015-жылы Токиодогу эң узак жашоочу 117 жаштагы Мисао Окава каза болгондон кийин Гиннес китебине кирген.
Бул окуядан кийин дүйнөдөгү эң узак жашоочу катары италиялык Эмма Морано катталды. Ал учурда 116 жашта.
