БИШКЕК, 13-май — Sputnik. Үстүбүздөгү жылдын 1-июнунан баштап Швейцариянын Кыргызстандагы элчилиги Франция менен Финляндияга баруу үчүн шенген визасын бере баштай турганын дипломатиялык өкүлчүлүктүн маалымат кызматы билдирди.
Бүгүнкү күндө аталган элчилик Швейцария, Чехия, Эстония, Латвия, Польша, Словения жана Словакияга виза ачат.
Эми кыргызстандыктар жана КРде жашаган чет элдик жарандар Казакстанга барбай туруп, кыска мөөнөттүү визага жана шенген аймагындагы Франция менен Финляндияга кирүүгө уруксат берүүчү документтерге ээ болушат. Мында улуттук виза берүү үчүн арыздар Финляндиянын Астанадагы элчилигине жана Франциянын Алматыдагы башкы консулдугуна кайрылуу керек.
Виза алуучу документтерди өзү тапшырышы керек, анткени, анын биометрикалык маалыматын алуу зарыл.
