БИШКЕК, 11- май — Sputnik. Кыргызстанда акыркы коңгуроо 27-майда кагылат. Бул тууралуу Sputnik Кыргызстан агенттигине Билим берүү жана илим министрлигинин маалымат кызматы билдирди.
Мекеме быйыл 62 миңге жакын окуучу 11-классты жана 93 миңге жакын балдар-кыздар 9-классты аяктай турганын кошумчалады.
Ал эми акыркы коңгуроонун 27-майга туура келиши кышкы каникулдун узарып кеткендигине байланыштуу экени белгиленди. Эскерте кетсек, былтыр акыркы коңгуроо 29-майда өткөн.
