БИШКЕК, 11-май — Sputnik. Быйыл мектеп окуучулары үчүн бүтүрүү кечелерин уюштурууга тыюу салынат. Бул тууралуу Sputnik Кыргызстан агенттигине Билим берүү жана илим министрлигинин маалымат кызматынан билдиришти.
Ага ылайык, 11-класстын бүтүрүүчүлөрүнө 23-июнда аттестаттар, ал эми 9-класстын окуучуларына толук эмес орто билими тууралуу күбөлүк 20-июнда тапшырылат.
"Бардык мектептерде бүтүрүү кечелерин уюштурууга тыюу салынат. Бул аракет бүтүрүүчүлөрдүн жашоосу менен ден соолугуна кам көрүү максатында жүргүзүлүп жатат", — деп билдирет министрликтин маалымат кызматы.
Министрлик кече уюштурууга акча чогулткан мектептин мугалимдерине административдик чаралар көрүлүп, кызматтан бошотулушу да ыктымал экенин эскертет.
