БИШКЕК, 10-май — Sputnik. Нарын аймагында ачыла турган Борбордук Азия университети (БАУ) кампуста иштей турган кызматкерлерди издеп баштады. Бул туурасында аталган окуу жай тараткан маалыматта айтылат.
"БАУ тейлөө кызматына, ашкана жана тамак-аш тейлөө кызматтарына, коопсуздук кызматтарына жана административдик иштер боюнча кызматына тажрыйбасы бар талапкерлерди издөөдө", — деп айтылат таратылган маалыматта.
Окуу жайга мугалимдерди кабыл алуу иш-чарасы 2015-жылы башталып, алгачкы мугалимдер жамааты февраль айында кошулгандыгын, ал эми студенттерди кабыл алуу бардык өлкөлөрдө жүрүп жаткандыгын кошумчалашты.
Борбордук Азия Университети 2000-жылы түзүлгѳн. Тажикстан, Кыргызстан жана Казакстандын президенттери менен Ага Хан фонду дин аралашпаган жеке менчик Университетти түзүү боюнча Эл аралык келишимге жана Уставга кол коюшкан. Тийиштүү парламенттер тарабынан ратификацияланган жана Бириккен улуттар уюмунда катталган.
