БИШКЕК, 10-май — Sputnik. Экинчи дүйнөлүк көчмөндөр оюнун өткөрүүгө жардам берүү ниетин билдирип 2500 ыктыярчы арыз берген. Бул тууралуу ири иш-чараны уюштуруучулар билдирди.
Бүгүн ыктыярчылар менен уюштуруучулардын жолугушуусу болот. Оюнду өткөрүүгө ыктыярчы катары жардам берүүнү каалаган студенттер менен жаштар аябай кызыгуусун көрсөткөн.
Ошондой эле Дүйнөлүк көчмөндөр оюнунун ыктыярдуу элчилери катары Аяна Касымова менен Кайрат Примбердиев катышууда.
Быйыл көчмөндөр оюну сентябрь айынын башында Ысык-Көлдүн жээгинде өтөт. Анда улуттук спорттун жыйырмадан ашык түрү боюнча командалар ат салышат.
