БИШКЕК, 5-май — Sputnik. "Борбордук Азиянын макты тасмасы" номинациясында күч сынаша турган фильмдердин тизмеси аныкталганын кинодолбоордун менеджери Чолпон Идрисова билдирди.
"Ак Илбирс" кинофестивалынын сыйлык тапшыруу аземи 13-май күнү "Манас" кинотеатрында өтөт.
Аталган номинацияда "Воздушный Сафар" (Тажикстан), "Дом для русалок", (Өзбекстан — Эстония — Россия) жана "Шалаш" (Өзбекстан) тасмалары ат салышат.
Эскерте кетсек, былтыр "Борбордук Азиянын мыкты тасмасы" номинациясын казакстандык режиссер Адилхан Ержановдун "Хозяева" аттуу тасмасы жеңип алган.
"Ак Илбирс" 2012-жылы негизделип, Кыргызстандын кинематография жаатында ийгиликке жетишкен тасмаларга ак илбирс түшүрүлгөн статуэтка ыйгарылат.
Sputnik Кыргызстан агенттиги аталган киносыйлыктын расмий өнөктөшү болуп саналат.
