БИШКЕК, 3-май — Sputnik. "Ак Илбирс" кино сыйлыгынын "Улуттук кинематографияга кошкон салымы үчүн" номинациясы быйыл эл артисти Нуртай Борбиевге берилет. Бул тууралуу улуттук кино сыйлыкты негиздөөчүлөрдүн бири, КР кинематографисттер союзунун төрагасы Таалайбек Кулмендеев билдирди.
Сыйлык тапшыруу аземи 15-майда борбор калаадагы "Манас" кинотеатрында өтөт.
Буга чейин "Эң мыкты көрүлгөн тасма" номинациясына "Биртууганчик" тасмасы ээ болгон.
Аталган сыйлыкка 2015-жылы өндүрүштөн чыккан ар кыл жанрдагы тасмалар ат салышат. Мындан төрт жыл мурун негизделген иш-чара 14 номинация боюнча мыктыларды аныктап келсе, былтыртан баштап Борбордук Азияны толугу менен камтып, ага дагы эки номинация кошулган.
Sputnik Кыргызстан маалымат агенттиги жана радиосу — "Ак Илбирс" киносыйлыгынын эл аралык маалыматтык өнөктөшү.
