БИШКЕК, 5-май — Sputnik. "Ак Илбирс" улуттук кинофестивалынын сыйлоо аземи 13-майга жылдырылганын уюштуруу комитетинин мүчөсү Талант Төлөбеков билдирди.
Эскерте кетсек, буга чейин салтанаттуу иш-чара үстүбүздөгү жылдын 15-майына белгиленген.
Учурда калыстар тобу сынакка катышуучу тасмаларды баалап жаткан учуру.
Аталган сыйлыкка 2015-жылы өндүрүштөн чыккан ар кыл жанрдагы тасмалар ат салышат. Мындан төрт жыл мурун негизделген иш-чара 14 номинация боюнча мыктыларды аныктап келсе, былтыртан баштап Борбордук Азияны толугу менен камтып, ага дагы эки номинация кошулган.
Sputnik Кыргызстан маалымат агенттиги жана радиосу — "Ак Илбирс" киносыйлыгынын эл аралык маалыматтык өнөктөшү.
