БИШКЕК, 1-май. — Sputnik. Эртең өлкө боюнча күн күркүрөп, катуу жаан жаай турганын Кыргызгидромет билдирди.
Маалыматка ылайык, Бишкек шаарында түнкүсүн 11…13 градус жылуу болсо, күндүз 22 градуска чейин көтөрүлөт. Ал эми Ош шаарында түнкүсүн 14…16 градус, күндүз 23…25 градуска чейин жылуу болот.
2-майда түнкүсүн айрым жерлерде өткүн өтүп, күн күркүрөшү, бийик тоолуу райондордо кар жаашы күтүлөт. Автожолдордо кар күрткүсү жана жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, кээ бир райондордо 9-14 метрге жетиши күтүлөт.
