БИШКЕК, 28-апр. — Sputnik. Президент Алмазбек Атамбаев жер көчкү алдында калган Эрлан Урматбек уулунун үй-бүлөсүнө көңүл айтты. Бул тууралуу өлкө башчынын маалымат кызматы билдирет.
Мындан сырткары, Атамбаев каза болгон баланын үй-бүлөсүнө 100 миң сом бөлдү.
Белгилей кетсек, 27-апрелде кечинде саат 18.00дөр чамасында болжол менен көлөмү 1 миллион 600 миң куб метр жер көчкүсү жүрүп, алты турак жайды жана 16 жашар баланы басып калган.
Анын сөөгү бүгүн түштөн кийин жер алдынан табылды.
