БИШКЕК, 27-апр. — Sputnik. КРдин футбол боюнча өспүрүмдөр курамасы (U-16) Казакстандын "Кайрат" клубун жолдоштук беттеште утуп алганын Футбол федерациясынан билдиришти.
Жолдоштук мелдеш Алматы шаарында өткөн.
Биринчи тайм 1:2 эсебинде казакстандык футболчулардын пайдасына аяктаган.
Экинчи таймда кыргызстандыктар активдүүлүгүн көрсөтүп, 50 мүнөттө эсепти теңешкен. Үч мүнөттөн кийин КР оюнчулары 2:3 эсебинде алдыга чыгышкан. Дагы эки мүнөттөн кийин эсеп 2:4 болуп, тараза ташы кыргызстандыктарга ооду.
Курама команданын башкы машыктыруучусу Самат Суймалиев жаш футболчулар жакшы оюн көрсөткөнүн билдирди.
Учурда улуттук команда 15-сентябрдан 2-октябрга чейин Индияда өтүүчү Азия чемпионатына даярдык көрүүдө.
